پارا چنار میں انٹر نیٹ، موبائل سروس بحال،راستے بدستور بند 

( 24 نیوز )پشاور کے ضلع کرم میں امن وامان کی صورت حال بہتر ہونے کے بعد انٹرنیٹ اور موبائل فون سروس کو بحال کر دیا گیا تا ہم سڑکیں تحال بند ہیں ۔

حکام کا کہنا ہے کہ پاراچنار شہراہ سمیت آمدورفت کے دیگر راستے بدستور بند ہیں ، جس کی وجہ سےشہری  مسائل کا شکار ہیں۔

 شہریوں  کو  اشیاخورونوش اور ادویات سمیت  پٹرول کی قلت کا سامنا ہے،ڈپٹی کمشنر  ضلع کرم کا کہنا تھا کہ راستوں کی بندش کی وجہ سے پیش آنے والے مسائل کو بھر پور حل کرنے کی کوشش کر رہے ہیں۔  

 دوسری جانب امن جرگہ آج چوتھے روز بھی جاری رہے گا جس میں قبائلی عمائدین سے علاقے میں حالات کی بہتری سے متعلق بات چیت ہوگی ۔