سندھ میں کورونا سے مزید 21اموات ہوئیں، وزیراعلیٰ سندھ
Stay tuned with 24 News HD Android App
(24 نیوز)ملک بھر میں عالمی وبا کورونا وائرس کے وار جاری ہیں،سندھ میں گزشتہ 24 گھنٹوں کے دوران مزید21 افراد جاں بحق ہو گئے ،سندھ میں کورونا سے اموات کی تعداد 4ہزار87ہوگئی۔
وزیراعلیٰ سندھ مراد علی شاہ نے کورونا کے حوالے سے اپنے بیان میں کہاہے کہ گزشتہ 24 گھنٹوں میں سندھ میں کورونا کے مزید 605 کیسز رپورٹ ہوئے جس سے صوبے میں کورونا کیسز کی تعداد 2لاکھ 50ہزار ہوگئی،انہوں نے کہاکہ کراچی میں کورونا کے مزید 341 کیسز رپورٹ ہوئے ،کراچی میں کورونا کیسز کی تعداد ایک لاکھ 80ہزار359ہوگئی۔
مراد علی شاہ نے کہاکہ سندھ میں کورونا کے 565مریضوں کی حالت تشویشناک ہے، سندھ میں کورونا کے 71مریض وینٹی لیٹرز پرہیں۔