پہلاروزہ کب ۔۔۔کویتی ماہر فلکیات نے پیشگوئی کر دی

  (ویب ڈیسک ) رمضان المبارک کا آغاز اپریل میں ہوگا لیکن اب کویت کے ماہر فلکیات عادل المرزوق نے 2 اپریل بروز ہفتے کو اس بابرکت مہینے کے آغاز کی پیش گوئی کردی۔
کویتی میڈیا کے مطابق ماہر فلکیات المرزوق نے وضاحت کی کہ اگر آسمان صاف اور بادلوں یا گرد و غبار سے پاک ہوا تو ماہ رمضان کا چاند یکم اپریل بروز جمعہ کو نظر آئے گا۔چاند کی پیدائش کویت کے مقامی وقت کے مطابق یکم اپریل بروز جمعہ صبح نو بج کر 25 منٹ پر ہوگی اور غروب آفتاب کے تقریبا 15 منٹ بعد آسمان پر رہے گا۔ماہر فلکیات نے یکم اپریل بروز جمعہ رمضان المبارک کا چاند نظر آنے کی تصدیق کے نتیجے میں متعدد وجوہات کا تذکرہ کیا۔انہوں نے کہا کہ ان دنوں رجب کے مقدس مہینے کا آغاز ہو چکا ہے اور اس میں سے کئی دن گزر چکے ہیں جس کا مطلب یہ ہے کہ رمضان المبارک کے بابرکت مہینے کی آمد میں دو مہینے سے بھی کم مدت ہے۔ قوی امکان ہے کہ اس سال شعبان کا مہینہ 29 دن کا ہو گا۔کویتی ماہر فلکیات کے مطابق چاند کی ولادت جمعہ کی صبح یکم اپریل 2022 کو ریاست کویت کے مقامی وقت کے مطابق صبح 9:25 بجے ہو گی جبکہ ہلال کی پیدائش بین الاقوامی وقت کے مطابق اس دن کی صبح (6:25) پر ہوگی۔انہوں نے بتایا کہ ہلال کی پیدائش پوری دنیا میں ایک ہی وقت میں ہوگی لیکن اس معاملے میں جو فرق ہوگا وہ صرف چاند کے طلوع و غروب کا وقت ہے۔ اس سال رمضان کا چاند اس وقت نظر آئے گا جب آسمان صاف اور بادلوں یا گرد و غبار سے پاک ہو گا۔
 یہ بھی پڑھیں۔پاکستان میں پہلا روزہ کب ؟ محکمہ موسمیات نے عیدوں کے بارے میں بھی بتا دیا