(ویب ڈیسک) ترکیہ اور شام میں شدید زلزلے کے باعث جاں بحق افراد کی تعداد 5 ہزارسے زائد ہوگئی جبکہ ہزاروں افراد زخمی ہیں، کئی عمارتیں ملبے کا ڈھیر بن گئیں، بڑے پیمانے پر امدادی سرگرمیاں جاری ہیں۔

#UPDATE A 7.8-magnitude earthquake has killed at least five people in the Turkish province of Osmaniye, the state-run Anadolu Agency reports the provincial governor as saying.

Governor Erdinc Yilmaz also said that 34 buildings were destroyed in the province pic.twitter.com/issPf9ggsm

— AFP News Agency (@AFP) February 6, 2023

ترک صدر طیب اردگان نے کہا ہے کہ ترکیہ میں زلزلے سے2 ہزار سے زائد عمارتیں متاثر ہوئیں،زلزلے کے بعد 45 ممالک نے امداد کے لئے پیشکش کی ہے۔

#BREAKING Quake death toll in Turkey soars to 912: Erdogan pic.twitter.com/RhQQ7IGIW1

— AFP News Agency (@AFP) February 6, 2023

انہوں نے کہا کہ تاریخ کے بدترین زلزلے سے نمٹنے کی کوشش کر رہے ہیں، فی الحال زلزلے سے ہونے والے نقصانات کا اندازہ نہیں لگا سکتے، ہماری پہلی ترجیح ملبے تلے دبے لوگوں کو نکالنا ہے، 2 ہزار 440 افراد کو اب تک ریسکیو کرلیا گیا ہے۔

غیر ملکی میڈیا کے مطابق متاثرہ علاقوں میں زلزلے کے بعد آفٹر شاکس کا سلسلہ جاری ہے۔ حکام نے زلزلے سے ہلاکتوں میں اضافے کا خدشہ ظاہر کیا ہے۔

A Powerful tumor shake #Turkiye #Syria & Jordan dozens lost their lives and hundred injured. National Emergency imposed In Turkey. #earthquake #Turkish pic.twitter.com/hHCdiA9Olv

— Amjad Alam Khan (@amjadalamk) February 6, 2023

امریکی جیولوجیکل سروے کا کہنا ہے کہ زلزلے کی شدت ریکڑ اسکیل پر 7.9 اور گہرائی 17.9 تھی۔ زلزلے کا مرکز ترکیہ کے جنوب مشرقی صوبے غازیان کے نردوی کے قریب تھا۔

زلزلے کے شدید جھٹکے اردن، شام ، قبرص اور یونان میں بھی محسوس کیے گئے۔ زلزلے سے ترکی اور شام سمیت دیگر ممالک میں متعدد عمارتیں ملبے کا ڈھیر بن گئیں۔ سیکڑوں افراد کے ملبے تلے دبے ہونے کی اطلاعات ہیں۔

حکام نے ہلاکتوں میں اضافے کا خدشہ ظاہر کیا ہے۔ زلزلے سے متاثرہ علاقوں میں امدادی کارروائیاں اور ملبے تلے دبے افراد کو نکالنے کا کام جاری ہے۔ زلزلے سے سڑکیں تباہ ہونے اور بارش کے باعث امدادی کارروائیوں میں مشکلات کا سامنا ہے۔

وزیراعظم شہباز شریف

وزیراعظم شہباز شریف نے ترکیہ میں زلزلے سے ہونے والے جانی نقصان پر ترکیہ کی حکومت اور عوام سے اظہار تعزیت کا اظہار کرتے ہوئے کہا ہے کہ مشکل کی گھڑی میں برادر ملک ترکیہ اور ترک عوام کے ساتھ کھڑے ہیں۔ پاکستان ترکیہ کی ہرممکن مدد کرے گا۔

Deeply saddened by the news of a massive earthquake that struck southeastern region of Türkiye. I send my profound condolences & most sincere sympathies to my brother President @RTErdogan & brotherly people of Türkiye on the loss of precious lives & damage to infrastructure.

— Shehbaz Sharif (@CMShehbaz) February 6, 2023

We send our heartfelt condolences & most sincere sympathies to the government and the people of Syria who have suffered major human and material losses from the devastating earthquake early this morning. ???????? ????????

— Shehbaz Sharif (@CMShehbaz) February 6, 2023

ترجمان دفتر خارجہ

ترجمان دفتر خارجہ نے کہا کہ پاکستان کی حکومت اور عوام کو یہ جان کر شدید دکھ ہوا ہے کہ جنوبی ترکیہ کے کچھ حصوں میں شدید زلزلہ آیا، زلزلے کے نتیجے میں قیمتی جانوں کا نقصان ہوا اور املاک کو بڑے پیمانے پر نقصان پہنچا، پاکستانی عوام دکھ کی اس گھڑی میں اپنے ترک بھائیوں کے ساتھ مکمل یکجہتی کے ساتھ کھڑے ہیں۔

انہوں نے کہا کہ ہم سوگوار خاندانوں کے ساتھ گہری تعزیت کا اظہار کرتے ہیں، زخمیوں کی جلد صحت یابی کی دعا گو ہیں، پاکستان امدادی سرگرمیوں میں ہر ممکن تعاون کے لیے تیار ہے، ہمیں یقین ہے کہ ترک قوم اس قدرتی آفت پر اپنی ہمت اور عزم کے ساتھ قابو پا لے گی۔