جسم میں موجود زہریلے مادے کنٹرول کرنے کیلئے کس مصالحے کا استعمال کریں؟

(ویب ڈیسک) جب بھی جسم میں موجود زیرلے مادے کو  کنٹرول کرنے کی بات کی جائے تو آپ نے بھی الائچی، سونف  اور  ہلدی وغیرہ کا استعمال سنا ہوگا، لیکن کیا آپکو پتا ہے کہ اکیلی الائچی  کتنی مفید ہے؟

 الائچی ایک ایسی چیز ہے جو ہر قسم کے کھانوں میں استعمال ہوتی ہے کیونکہ اس کی خوشبو میٹھی اور مصالحہ دار دونوں پکوانوں میں ذائقہ بڑھاتی ہے۔

الائچی کا استعمال نہ صرف کھانے میں ذائقہ بڑھانے کے لیے کیا جاتا ہے بلکہ اس کا استعمال آپ کی ذہنی اور جسمانی حالت پر بھی خوشگوار اثرات مرتب کرتا ہے۔

• الائچی میں قدرتی اجزاء ہوتے ہیں جو انسانی جسم کو ہاضمے کے مسائل جیسے درد، گیس یا پیٹ کے درد سے نمٹنے میں مدد دیتے ہیں۔

•الائچی کے بیج چبانے سے آپ کی سانس تازہ ہو جاتی ہے، سانس کی بو کم ہوتی ہے اور آپ کے منہ کو اچھا محسوس ہوتا ہے۔

• الائچی کےاستعمال کاایک اور فائدہ یہ ہےکہ یہ دمہ اورہڈیوں کی بیماریوں کےاثرات کوکم کرتی ہے۔

•الائچی خون کو پتلا کرنے والی قدرتی چیز ہے جو جسم میں خون کی روانی کو بہتر بناتی ہے۔ الائچی کا استعمال جسم میں خون جمنے سے روکتا ہے، یہ ہارٹ اٹیک کے امکانات کو کم کرتا ہے اور دل کی مزید بیماریوں سے بھی بچاتا ہے۔

• الائچی کا استعمال گردوں کے لیے بھی فائدہ مند ہے۔ اس کے اثرات نہ صرف جسم میں موجود کیمیکلز کو کنٹرول میں رکھتے ہیں بلکہ جسم کو توانائی بھی فراہم کرتے ہیں۔

• الائچی کا روزانہ استعمال بلڈپریشر کوبھی کنٹرول میں رکھتاہے جس سے دل کی بیماریوں کاخطرہ انتہائی کم ہوتاہے۔

•الائچی کے اجزا آپ کے جسم کے خلیوں کو توانائی بخشتے ہیں اور انہیں تباہی سے بچاتے ہیں۔
یہ کینسر جیسی بیماریوں کا خطرہ بھی کم کرتا ہے اور عمر بڑھنے کے ساتھ ہونے والی بیماریوں سے بھی بچا سکتا ہے۔

یہ بھی پڑھیں:خطرناک وائرسز سے بچانے والی صحت بخش غذائیں

• الائچی کو برسوں سے ایک دواکےطور پر بھی استعمال کیاجارہاہے جو نہ صرف آپکی دماغی صحت کو بہتر بناتی ہے بلکہ ذہنی تھکاوٹ سے بھی بچاتی ہے۔

• الائچی کی ایک اور خاصیت یہ ہے کہ یہ آپ کو خطرناک جراثیم اور وائرس سے لڑنے میں مدد دیتی ہے اور آپ کی قوت مدافعت کو بڑھاتی ہے۔