(24 نیوز)سابق فاسٹ بولر شعیب اختر نے چیمپئنز ٹرافی کی سیمی فائنلسٹ ٹیموں سے متعلق پیشگوئی کردی ہے، شعیب اختر کا کہنا ہے کہ پاکستان، افغانستان اور بھارت کی ٹیمیں چیمپئنز ٹرافی کے سیمی فائنل میں پہنچیں گی۔
شعیب اختر نے اپنے ایک بیان میں کہا کہ اگر افغان ٹیم میچورٹی کا مظاہرہ کرے تو سیمی فائنل کھیل سکتی ہے، جبکہ افغانستان کے بیٹرز میں تحمل آگیا تو وہ حیران کن نتائج دے سکتے ہیں،انہوں نے نے امید ظاہر کی کہ 23 فروری کو پاکستان بھارت کو شکست دے گا، ان کے مطابق پاکستان اور بھارت کو ٹورنامنٹ کا فائنل بھی کھیلنا چاہیے۔
مزید پڑھیں:کرسٹیانو رونالڈو نے زندگی کی 40 بہاریں دیکھ لیں
ان کا کہنا تھا کہ اگر پاکستان نے بھارت اور نیوزی لینڈ کو شکست دی تو وہ آدھا ٹورنامنٹ جیت لے گا،شعیب اختر نے قذافی سٹیڈیم کی اپ گریڈیشن پر پی سی بی کو مبارکباد دی اور کہا کہ چیمپئنز ٹرافی میں پاکستان ٹیم کو سپورٹ کریں اور ٹیم سلیکشن پر سوال نہ اٹھائیں۔