امریکا میں 1 لاکھ انڈے چوری

(24 نیوز)امریکا میں برڈ فلو وائرس کے پھیلاؤ کے باعث چور 1 لاکھ انڈوں کو ایک ٹرک سے چرا کر لے گئے۔

غیر ملکی خبر رساں ادارے کے مطابق وسطی پنسلوانیا میں یہ واقعہ سامنے آیا ہے،امریکا میں آج کل برڈ فلو کے پھیلاؤ اور قیمتوں میں اضافے کے باعث انڈوں کی قیمت ریکارڈ سطح پر پہنچ چکی ہے،حکام کے مطابق یہ انڈے ایک کمپنی کے فارم کے تھے جن کو فرینکلین کاؤنٹی سے چرایا گیا ہے، ان کی مالیت 40 ہزار ڈالرز کے قریب ہے۔

مزید پڑھیں:شارجہ میں بھارتی شہری  25 ملین درہم جیت گیا، پاکستانی روپے میں کتنی رقم بنتی ہے؟

کمپنی کی جانب سے جاری کیے گئے بیان میں کہا گیا ہے کہ چوری کی رپورٹ درج کرائی گئی ہے اور ہم مقامی حکام کی تحقیقات میں تعاون کر رہے ہیں،بیان میں کہا گیا ہے کہ ہم اس معاملے کو بہت سنجیدگی سے لے رہے ہیں اور اسے جلد حل کرنا چاہتے ہیں۔

واضح رہے کہ امریکا میں انڈوں سے جڑی صنعت کو حالیہ مہینوں میں برڈ فلو کے پھیلاؤ کے باعث بحران کا سامنا ہے،برڈ فلو کے باعث لاکھوں مرغیاں ہلاک ہو گئیں جس کی وجہ سے انڈوں کی رسد میں کمی آئی اور قیمتوں میں اضافہ ہوا۔