(ویب ڈیسک)اسرائیلی وزیرِ اعظم نیتن یاہو نے امریکی صدر ڈونلڈ ٹرمپ سے ملاقات کے موقع پر انہیں تحفے میں 2 پیجر دیے جن میں سے ایک گولڈن جبکہ دوسرا عام پیجر ہے۔
اسرائیلی وزیرِاعظم نے یہ تحفہ گزشتہ سال ستمبر میں اسرائیل کی جانب سے حزب اللّٰہ کے خلاف کیے گئے پیجر حملے کی یاد تازہ کرنے کے لیے دیا۔
ڈونلڈ ٹرمپ نے تحفہ وصول کرتے ہوئے نیتن یاہو کا شکریہ ادا کیا اور اسرائیل کے حزب اللہ کے خلاف پیجر حملے کو زبردست آپریشن قرار دیا۔
واضح رہے کہ گزشتہ سال ستمبر میں لبنان میں حزب ا للہ کے زیرِ استعمال ہزاروں پیجرز دھماکے سے پھٹ گئے تھے جس کے نتیجے میں درجنوں افراد جاں بحق اور سینکڑوں زخمی ہوئے تھے،بعد ازاں اس دھماکے میں جاں بحق ہونے والوں کی نمازِ جنازہ میں شریک حزب اللہ کے جنگجوؤں کے زیرِ استعال واکی ٹاکی سیٹس اور موبائل فونز میں بھی دھماکے ہوئے تھے۔
یہ بھی پڑھیں:دنیا کے 10 طاقتور ترین ممالک کی فہرست جاری، بھارت شامل نہیں
ان دھماکوں کے تقریباً 2 ماہ بعد نیتن یاہو نےاعتراف کیا تھا کہ لبنان میں ہونے والے دھماکوں کے پیچھے اسرائیل کا ہاتھ ہے،ان کاکہناتھاکہ اسرائیلی انٹیلی جنس ایجنسی موساد نے حزب اللہ کی جانب سے آرڈر کیے گئے پیجرز کے اندر دھماکا خیز مواد بھر دیا تھا۔