برنس روڈ فوڈ سٹریٹ پر شا م 7 بجے گاڑیوں کا داخلہ بند

(24 نیوز)برنس روڈ فوڈ اسٹریٹ پر گاڑیوں کا داخلہ بند ، دس جنوری سے فوڈ اسٹریٹ کو پیدل چلنے کے لئے مختص کردیا جائے گا۔ 
ًتفصیلات کے مطا بق نوٹیفیکیشن میں کہا گیا ہے کہ شاہراہ لیاقت کو فریسکو سے کورٹ روڈ تک شام سات بجے کے بعد بلاک کردیا جائے گا۔آرام باغ سے فریسکو آنے والی ٹریفک کو ایم اے جناح روڈ اور دائیں جانب پیپلز اسکوائر موڑ دیا جائے گا۔ فریسکو چوک سے فاطمہ جناح وومن کالج تک پیدل چلنے کے لئے مختص کیا جائے گا۔ رہائشیوں کے لئے اسٹیکرز جاری کئے جائیں گے تاکہ وہ گاڑی پارک کرسکیں۔ فوڈ اسٹریٹ آنے والوں کو پارکنگ کی سہولت مہیا کی جائے گی۔ ایمرجنسی صورتحال سے نبردآزما ہونے کے لئے راستہ رکھا جائے گا۔ سڑک کے دونوں اطراف مارکنگ کی جائے گی تاکہ ہوٹلز کرسیاں آگے نہ رکھ سکیں۔ تمام تر انتظامات شام سات بجے کے بعد ہوں گے ۔