سندھ مدرستہ الاسلام کے بانی حسن آفندی کے پوتے کو قتل کردیاگیا

( 24 نیوز)سندھ مدرستہ الاسلام کے بانی حسن آفندی کے پوتے کو کراچی میں بے دردی سے قتل کردیاگیا، زین آفندی کو مزار قائد کے سامنے گھر میں گھس کر قتل کیا گیا ۔
تفصیلات کے مطابق پانچ افراد گزشتہ رات کو تین بجکر پچیس منٹ پر گھر میں داخل ہوئے اور55 منٹ تک گھر میں موجود رہے، مسلح افراد نے زین آفندی کے چہرے پر 3 گولیاں ماریں، گھر میں موجود ملازم کو رسیوں سے باندھ دیا گیا تھا۔
 پولیس واقعے میں ملوث ملزموں کی تلاش جاری ہے، فرانزک ٹیمیں بھی پہنچ گئیں ،پولیس کے مطابق واقعہ ٹارگٹڈ ہے یا ڈکیتی ،اس حوالے سے تفتیش جاری ہے۔