پاکستان انٹرا افغان مذاکرات کا خیر مقدم کرتا ہے،ترجمان دفتر خارجہ 

(24 نیوز)ترجمان دفتر خارجہ کا کہنا ہے کہ پاکستان انٹرا افغان مذاکرات کے دوسرے راونڈ کا خیر مقدم کرتا ہے، دونوں ٹیموں نے گذشتہ ماہ قواعد و ضوابط کو حتمی شکل دے کر نمایاں پیشرفت کی ہے، اب اہم معاملات پر بات چیت کرنے کے لئے دوبارہ معاہدہ کیا ہے۔ 
تفصیلا ت کے مطا بق دفتر خا رجہ کی طرف سے جا ری بیا ن میں کہا گیا ہے کہ سال 2020 میں افغانستان میں قیام امن کے سلسلے میں خاطر خواہ پیشرفت دیکھنے میں آئی ، ہم امید کرتے ہیں کہ مذاکرات کرنے والی دونوں ٹیمیں کھلے دل کے ساتھ مشغول رہیں گی ۔امن کے اس تاریخی موقع سے فائدہ اٹھانے کے لئے صبر ، تدبر اور استقامت کا مشاہدہ کریں گی۔افغانستان میں پائیدار امن و استحکام کیلئے مذاکرات میں نرمی کا مظاہرہ کریں ۔ پاکستان کے تعمیری کردار اور افغان امن عمل میں پیش رفت کو عالمی برادری نے تسلیم کیا ہے۔