(ویب ڈیسک )عمیر جسوال نے فلم سے علیحدگی کا اعلان کرتے ہوئے اسکی وجہ بتا دی ، لکھا کہ اب وہ مزید اس پراجیکٹ کا حصہ نہیں رہے۔عمیر جسوال نے کچھ دن قبل ہی شعیب اختر کی زندگی پر بننے والی فلم میں مرکزی کردار ادا کرنے کے حوالے سے بتایا ۔ فلم کے آفیشل پیچ پر بھی فلم میکرفراز قیصر اور عمیر جسوال کی ایک ساتھ تصویر کو شیئر کیا گیا۔
تاہم اس اعلان کے کچھ ہی عرصے بعد عمیر جسوال اس فلم سے علیحدگی کا اعلان کردیا ۔ عمیر جسوال نے پراجیکٹ سے علیحدگی کی وجہ یہ بتائی کہ وہ کرئیٹیو اورذاتی وجوہات کی بنا پر راولپنڈی ایکسپریس کا مزید حصہ نہیں رہے ۔ عمیر نے اپنی سوشل میڈیا پوسٹ پر بتایا کہ وہ راولپنڈی ایکسپریس کے حوالے سے کسی بھی میڈیا مہم کا حصہ ہیں نہ مزید خبروں کا حصہ ہیں۔
ساتھ ہی شعیب اختر کی زندگی پر بننے والی فلم میں کام کرنے والوں کے لئے نیک خواہشات کی دعا بھی کی۔اس فلم کو دبئی سے تعلق رکھنے والے فلم میکر فراز قیصر بنا رہے ہیں ۔ جبکہ فلم کا حصہ بننے والے اداکاروں کے لئے ملک بھر میں آڈیشنز لیے گئے ۔ راولپنڈی ایکسپریس کے پہلے موشن ٹیزر میں فلم کی نمائش کی تاریخ رواں برس 16 نومبر بتائی گئی ۔ تاہم فلم کی مرکزی کردار کا اچانک فلم سے علیحدگی کی بنا پر ہوسکتا ہے کہ فلم تعطل کا شکار ہوجائے ۔
فلم میں علیحدگی کے حوالے سے اعلان کی جانےوالی پوسٹ پر عمیر جسوال کی اہلیہ اورپاکستان کی نامور اداکارہ ثنا جاوید نے حوصلہ افزائی کی۔عمیر کے بھائی یاسر جسوال نے بھی اپنے بھائی کی حوصلہ افزائی کی۔
پاکستان کی پہلی موٹرسائیکلسٹ زینتھ عرفان نے لکھا کہ آپ ہمیشہ ہمارے ہیرو رہیں گے ۔ آپ نے ہمیشہ مجھے یہ یاد دلایا کہ کیسے اپنی اقدارکے ساتھ جوڑے رہنا ہے اور آج میں وہی کرتی ہوں۔