جے یو آئی نے پنجاب سے امیدواروں کا اعلان کر دیا

(رانا فاران ) جمعیت علمائے اسلام (جے یو آئی )نے پنجاب سے صوبائی اور قومی اسمبلی کے امیدواروں کا اعلان کردیا۔ 

صوبائی ترجمان جے یو آئی حافظ غضنفر عزیز کے مطابق پنجاب سے قومی اسمبلی کے53 اور صوبائی اسمبلی کے 138  امیدواروں کا اعلان،جنرل نشستوں پر6 خواتین امیدواروں کو بھی ٹکٹ جاری کردئیے گئے ہیں،مخصوص نشستوں پر تین خواتین امیدواروں کو بھی ٹکٹ جاری کردئیے گئے،پی پی 171 لاہور سے صوبائی سیکرٹری جنرل حافظ نصیر احمد احرار امیدوار ہوں گے۔

این اے 128 لاہور سے حافظ غضنفر عزیز، این اے 92سے مولانا صفی اللہ کو امیدوار نامزد کیا گیا ہے ، این اے 56 اور پی پی 16سے ضیاء الرحمن امازئی، این اے 82 سے راؤ عبدالقیوم امیدوار نامزد ہوئے ہیں،این اے  130 سے سلیم اللہ قادری این اے 175سے عبدالودو آزاد امیدوار نامزد،این اے 148 سے سجاد وینس، این اے 165, 167, 168اور پی پی 254 سے محمد صفدر شہباز امیدوار ہوں گے۔ 

حافظ غضنفر عزیز کا مزید کہنا تھا کہ این اے 118  اور پی پی 148 سے محمد افضل خان، این اے 166سے سیف الرحمن راشدی جے یو آئی کے امیدوار ہوں گے، این اے 183 تونسہ سے خواجہ مدثر محمود تونسوی اور پی پی 1اٹک سے قاری ابراہیم ،این اے 176 اور پی پی 273سے مولانا یحییٰ عباسی، پی پی 288 سے مولانا مدثر عرفان ،پی پی 272سے عبداللہ فہد لنگڑیال، پی پی 258سے مولانا ضیاء الرحمن درخواستی ہمارے امیدوار ہیں ۔

یہ بھی پڑھیں : گھر میں بیٹھی خواتین بھی غیر محفوظ ،کراچی سے دل دہلا دینے والی خبر آ گئی