فلم ’انیمل‘ کے اداکار کی خودکشی کرنیوالی لڑکی کو بچا لیا، ویڈیو سوشل میڈیا وائرل

(ویب ڈیسک) بالی ووڈ بلاک بسٹر ایکشن فلم ’انیمل‘ کے اداکار کی جان پر کھیل کر خودکشی کرنےوالی نوجوان لڑکی کو بچانے کی ویڈیو سوشل میڈیا پروائرل ہوگئی۔

بھارتی میڈیا کے مطابق ایکشن فلم ’انیمل‘ میں رنبیر کپور کے کزن کا کردار ادا کرنے والے اداکار منجوت سنگھ نے سال 2019ء میں ایک لڑکی کی جان بچائی تھی جس نے چھت سے چھلانگ لگا کر خودکشی کی کوشش کی تھی۔

اداکار کی یہ ویڈیو اب سوشل میڈیا پر وائرل ہو رہی ہے جس میں دیکھا جاسکتا ہے کہ انہوں نے بہادری کا مظاہرہ کرتے ہوئے بلڈنگ کی چھت سے چھلانگ لگانے والی لڑکی کو بچایا۔

Kudos! to brave #Sikh Manjot Singh Royal R/o Jammu who saved the life of a girl in his Sharda University Greater Noida. The girl was trying to commit suicide by jumping from the building. pic.twitter.com/O05u72FIwl

— ®️aminder (Author Immaculate Thoughts) (@ramindersays) August 4, 2019

منجوت سنگھ نے وائرل ویڈیو بارے میڈیا کے ساتھ گفتگو کرتے ہوئے بتایا کہ جس وقت یہ واقعہ پیش آیا تو سب لوگ خوفزدہ تھے کیونکہ وہ لڑکی کسی کو بھی اپنے قریب نہیں آنے دے رہی تھی اور جو بھی اس کے پاس جاننے کی کوشش کرتا تو وہ چھت سے چھلانگ لگانے کی دھمکی دے رہی تھی۔

انہوں نے کہا کہ میں نے لڑکی سے بات چیت کرنا شروع کی اور پوچھا کہ وہ اتنا بڑا قدم کیوں اٹھا رہی ہے جس پر لڑکی نے کہا کہ اس کا اپنی ماں کے ساتھ جھگڑا ہوا ہے۔

اداکار نے کہا کہ لڑکی کی بات سن کر جیسے ہی میں لڑکی کے قریب گیا تو اس نے چھلانگ لگا دی لیکن میں خوش قسمتی سے اس لڑکی کو زندہ بچانے میں کامیاب ہوگیا۔