قصور:مسلح افراد کی کار پر فائرنگ،دوشخص ہلاک، 3 زخمی

(24 نیوز)قصور کے نواحی گاؤں راجہ جنگ میں مسلح افراد کی فائرنگ سے 2شخص ہلاک اور 3افراد زخمی ہوگئے۔

تفصیلات کے مطابق مقتول اللہ وسایا  رشتہ داروں اور دوست کے ہمراہ گاڑی پر عدالت میں پیشی کے لئےجا رہا تھا۔ اس دوران راجہ جنگ چوک میں گاڑی کا پیچھا کرتے موٹر سواروں نے فائرنگ کر دی۔ فائرنگ سے اللہ  وسایا نامی شخص  اور ایک راہگیر جاں بحق ہو گئے،جبکہ  فائرنگ کی زد میں آ کر  3افراد طارق ،اعجاز اور محسن شدید زخمی ہو گئے، جنھیں فوری طبی امداد کیلئے ہسپتال منتقل کر دیا گیا۔ پولیس کے مطابق  قتل کا واقعہ پرانی دشمنی کا شاخسانہ ہے۔

یہ بھی پڑھیں: ’تیرے جانے کے بعد تیری یاد آئی‘غمرزدہ مندرا بیدی نے شوہر کیساتھ تصویریں شئیر کر دیں