(24نیوز) سونے کی قیمتوں کو ایک مرتبہ پھر پَر لگ گئے ہیں۔ ایک مرتبہ پھر سونے کی قیمت میں اضافہ ریکارڈ کیا گیا ہے۔ صرافہ بازار ایسوسی ایشن کے مطابق سونے کی فی تولہ قیمت میں 100 روپے کا اضافہ ریکارڈ کیا گیا ہے۔ جس کے بعد 24 قیراط سونے کی فی تولہ قیمت بڑھ کر 1 لاکھ 43 ہزار روپے ہوگئی ہے۔
صرافہ ایسوسی ایشن کے مطابق 24 قیراط سونے کی 10 گرام قیمت میں 86 روپے کا اضافہ ریکارڈ کیا گیا ہے۔ جس کے بعد 24 قیراط سونے کی فی 10 گرام قیمت 1 لاکھ 22 ہزار 600 روپے ریکارڈ کی گئی ہے۔ اسی طرح 22 قیراط سونے کی فی 10 گرام نئی قیمت 1 لاکھ 12 ہزار 383 روپے ہوگئی ہے۔
یہ بھی پڑھیں: ظہیر سے جدا کرنے کی کوشش کی تو۔۔۔ دعازہرا کی والدین کو سنگین دھمکی
دوسری جانب عالمی منڈی میں سونے کی فی اونس قیمت میں 40 ڈالر کی کمی ریکارڈ کی گئی ہے۔ عالمی مارکیٹ میں سونے کی فی اونس نئی قیمت 1763 ڈالر ہوگئی ہے۔