(24 نیوز)الیکشن کمیشن نے ڈاکٹر سکندر میندھرو کے انتقال کے باعث خالی ہونے والی سندھ میں سینیٹ کی ٹیکنوکریٹ کی نشست کا رزلٹ جاری کردیا۔
تفصیلات کے مطابق ڈاکٹر سکندر میندھرو کے انتقال کے باعث خالی ہونے والی سندھ میں سینیٹ کی ٹیکنوکریٹ کی نشست پر پولنگ سندھ اسمبلی میں ہوئی، مرحوم ڈاکٹر سکندر میندھرو کی اہلیہ خالد ہ سکندر میندھرو پیپلزپارٹی کی جانب سے امیدوار تھیں اور مقابل میں پی ٹی آئی کے نور الحق قریشی میدان میں تھے البتہ پاکستان تحریک انصاف کے ارکان نے ووٹنگ کے عمل کا بائیکاٹ کیا جبکہ ایم کیوایم پاکستان اور دیگر جماعتوں نے بھی ووٹنگ میں حصہ نہیں لیا۔
الیکشن کمشنر اعجاز انور چوہان نے کہاکہ پیپلز پارٹی کی خالدہ سکندر میندھرو97ووٹ لے کر کامیاب ہو گئیں، پیپلز پارٹی کی خالدہ سکندر سندھ سے ٹیکنو کریٹ منتخب ہوئیں۔
یہ بھی پڑھیں: لاہور ہائیکورٹ؛ پی ٹی آئی رہنما حلیم عادل شیخ کی گرفتاری کیلئے درخواست پر فیصلہ محفوظ