ورلڈ کپ سے 3 ماہ قبل تمیم اقبال کا اچانک ریٹائرمنٹ کا اعلان

(24 نیوز) بنگلہ دیش کی ون ڈے کرکٹ ٹیم کے کپتان تمیم اقبال نے بھارت میں ورلڈ کپ شروع ہونے سے تین ماہ قبل بین الاقوامی کرکٹ سے ریٹائرمنٹ لے لی ہے۔

غیرملکی میڈیا کے مطابق چٹوگرام میں اس حوالے سے پریس کانفرنس کرتے ہوئے تمیم اقبال آبدیدہ بھی ہوگئے تھے، ٹیم کے کپتان نے اچانک ریٹائرمنٹ کا اعلان کرکے سب کو حیران کردیا۔

گزشتہ روز ون ڈے میچ میں افغانستان نے بنگلادیش کو شکست دی تھی، کھلاڑی تمیم اقبال نے کہا کہ کل افغانستان کیخلاف میرا آخری میچ تھا، میرا فیصلہ اچانک نہیں تھا، مختلف وجوہات کے بنا پر اعلان کررہا ہوں جس کا ذکر میں یہاں نہیں کرسکتا۔

Bangladesh ODI skipper Tamim Iqbal was in tears as he announced his retirement in a press conference today.

READ MORE: https://t.co/47EUHy1XmB pic.twitter.com/CZ0DN4riaO

— ESPNcricinfo (@ESPNcricinfo) July 6, 2023

انہوں نے کہا کہ میرے لیے یہ ریٹائرمنٹ لینے کا صحیح وقت ہے، مجھے یہاں چند لوگوں کا شکریہ ادا کرنا ہے، میں اپنی فیملی خاص طور پر اپنے والد کا شکریہ ادا کرتا ہوں، ان تمام کھلاڑیوں کا شکریہ جن کے ساتھ میں کھیل چکا ہوں۔

یہ بھی پڑھیے: ذکا اشرف نے بطور چیئرمین منیجنمنٹ کمیٹی عہدہ سنبھال لیا

تمیم اقبال نے کہا کہ کرکٹ بورڈ نے مجھے اتنے عرصے تک ملک کی نمائندگی کا موقع دیا، میں نے بنگلہ دیش کی کپتانی کی ہے، میں ان کا بھی شکریہ ادا کرتا ہوں۔

انہوں نے آبدیدہ ہوکر مزید کہا کہ ’میرے پاس کہنے کیلئے اور کچھ نہیں ہے بس ایک بات میں ضرور کہوں گا، میں نے اپنی پوری کوشش کی میں جب بھی میں میدان میں تھا تو اپنا سو فیصد دیا۔

34 سالہ تمیم اقبال نے انٹرنیشنل کرکٹ کا آغاز فروری 2007ء میں کیا تھا، دوسری جانب بنگلادیش کرکٹ بورڈ نے نئے کپتان کے حوالے سے فی الحال کوئی اعلان نہیں کیا ہے۔