(ویب ڈیسک) ٹوئٹر کے سربراہ ایلون مسک نے حریف کمپنی میٹا کی ایپ ’تھریڈز‘ لانچ ہونے کے بعد پہلا ٹوئٹ کرتے ہوئے اسے ’کاپی پیسٹ‘ قرار دے دیا۔
خیال رہے کہ آج فیس بک کے بانی مارک زکربرگ نے سوشل میڈیا پلیٹ فارم ٹوئٹر کے مقابلے نئی ایپ ’تھریڈز‘ لانچ کردی ہے، جسے ٹوئٹر کیلئے اب تک کا سب سے بڑا چیلنج قرار دیا جا رہا ہے۔
نئی ایپ ’تھریڈز‘ لانچ ہونے کے بعد میٹا کمپنی کے مالک مارک زکربرگ نے 11 سال بعد سماجی رابطے کی ویب سائٹ ٹوئٹر پر واپسی کرتے ہوئے اسپائیڈرمین کارٹون ’ڈبل آئیڈینٹٹی‘ کی مشہور زمانہ میم ٹوئٹ کی۔
اس سے پہلے ایلون مسک نے اپنے ایک ٹوئٹ میں انسٹاگرام کو تنقید کا نشانہ بناتے ہوئے بتایا تھا کہ وہ انسٹاگرام ڈیلیٹ کررہے ہیں۔