(ویب ڈیسک) عالمگیر ترین کی مبینہ خود کشی پر قومی کرکٹر محمد رضوان نے ویڈیو پیغام جاری کر دیا ہے۔
عالمگیر ترین کی خودکشی پر قومی کرکٹ ٹیم کے وکٹ کیپر اور ملتان سلطانز کے کپتان محمد رضوان نے بھی ویڈیو پیغام جاری کر دیا ہے۔ اپنے جاری کردہ ویڈیو پیغام میں انہوں نے کہا کہ ’’جیسا کہ ہم سب کو پتہ چلا ہے کہ عالمگیر ترین صاحب اللہ کے پاس چلے گئے ہیں، آج یہ افسوس ناک خبر ملی ہے، وہ نہ صرف ملتان سلطانز کے اونر تھے بلکہ ایسے بہت سے کام تھے جو وہ کر رہے تھے، پاکستان کی اور لوگوں کی خدمت کر رہے تھے، ذاتی طور پر مجھے اس کے بارے میں پتہ ہے‘‘۔
یہ بھی پڑھیں: عالمگیر ترین نے اپنے بھائی جہانگیر ترین کو کیا پیغام دیا؟ پولیس کو کس خاتون کی تلاش ہے؟
اپنے پیغام میں انہوں نے مزید کہا ک ’’میں اس بات کا بھی گواہ ہوں کہ آخری بار جب میری ان سے بات ہوئی تھی تو جو ہماری ٹیم جا رہی تھی حج کیلئے آخری ٹائم پر ہم نے ان سے درخواست کی تھی ساتھ چلنے کی لیکن انہوں نے کہا تھا کہ ابھی تو بہت کم ٹائم ہے اگلے سال انشاء اللہ آپ لوگوں کے ساتھ رہوں گا‘‘۔
آخر میں انہوں نے مداحوں سے اپیل کی کہ وہ عالمگیر ترین کیلئے دعا کریں کہ اللہ ان کی مغفرت فرمائے اور جنت میں اعلیٰ مقام عطا فرمائے۔