شام کے صدر بشار الاسد کی خاتون مشیر حادثے میں ہلاک

(ویب ڈیسک)شام کے صدر بشار الاسد کی خاتون مشیر لونا شبل کار حادثے میں ہلاک ہوگئیں۔

عرب میڈیا کے مطابق 48 سالہ لونا شبل کو ٹریفک حادثے کے بعد دمشق کے ایک ہسپتال کے انتہائی نگہداشت وارڈ منتقل کیا گیا جہاں 4 دن زیرِ علاج رہنے کے بعد جمعہ کو ان کی موت ہوگئی،شامی صدر نے لونا شبل کی موت پر دکھ اور افسوس کا اظہار، انہوں نے ان کے خاندان سے بھی اظہارِ ہمدردی کیا۔

عرب میڈیا کے مطابق حادثے کے نتیجے میں لونا شبل کی گاڑی ٹریک سے ہٹ گئی تھی اور اسے شدید نقصان پہنچا تھا، حادثے کے نتیجے میں خاتون مشیر کے سر سے خون بھی بہت زیادہ بہہ گیا تھا۔

غیرملکی میڈیا کے مطابق لونا شبل سابق صحافی تھیں، انہیں2020ء میں شام کے 5 فوجی، حکومتی اور مالیاتی عہدیداروں کے ساتھ امریکی پابندیوں کا سامنا کرنا پڑا تھا، لونا شبل پر بعد میں برطانیہ نے بھی پابندیاں عائد کی تھیں۔