ناران کاغان جانیوالے ایک ہی خاندان کے 9 افراد لاپتہ، ماں صدمے سے چل بسی

(ویب ڈیسک) ناران کاغان جانے والے ایک ہی خاندان کے 9 افراد گاڑیوں سمیت لاپتہ ہو گئے، ایک لاپتہ نوجوان کی والدہ صدمے سے دل کا دورہ پڑنے سے خالق حقیقی سے جا ملی۔
پکنک منانے ناران کاغان گئے سرگودھا کے گاؤں سے تعلق رکھنے والے 9 افراد واپسی پر اپنی 2گاڑیوں سمیت لاپتہ ہوگئے، لاپتہ افراد کا تاحال کوئی سراغ نہیں مل سکا، لاپتہ افراد میں سے ایک نوجوان کی والدہ صدمہ برداشت نہ کر سکی اور دل کا دورہ پڑنے سے جان کی بازی ہار گئی۔

ناران کاغان جانے والے سرگودھا کے گاؤں کے 9 افراد 15 دن بعد بھی نہ مل سکے, چک 75 جنوبی سے ایک ہی خاندان کے 9 نوجوان 2گاڑیوں میں 22 جون کو ناران کاغان کی سیر کو گئے تھے اور پھر لاپتہ ہوگئے.

یہ بھی پڑھیں: عمران خان کی فوجی عدالتوں میں سویلینز کے ٹرائل کیخلاف اپیل سماعت کیلئے مقرر

ابتدائی اطلاعات کے مطابق تمام افراد کے موبائل فونز بھی بند ہیں، اہلخانہ کا کہنا ہے کہ ان کے اے ٹی ایم سے سرگودھا اور فیصل آباد سے رقم بھی نکلوائی گئی ہے۔

دوسری جانب گمشدہ افراد میں ایک نوجوان کی والدہ دل کا دورہ پڑنے سے جاں بحق ہوگئی، لواحقین نے لاش سڑک پر رکھ کر لا پتہ افراد کی بازیابی کے لئے احتجاج کیا جس کے سبب سرگودھا کوٹ مومن روڈ ٹریفک کے لئے بند ہوگیا، پولیس کی بھاری نفری نےموقع پر پہنچ کر مظاہرین کو انصاف کی یقین دہانی کرائی تاہم واقعہ کی کوئی رپورٹ بھی درج نہیں ہوسکی ہے۔