بارشیں کب ہونگی؟ محکمہ موسمیات نے بڑی نوید سنا دی

(24 نیوز)ملک میں آج کہیں بارش تو کہیں موسم شدید گرم اور خشک رہنے کا امکان جبکہ چترال، بالائی دیر، بالائی سوات، کوہستان میں تیزہوائوں، گرج چمک کیساتھ ہلکی بارش بھی ہو سکتی ہے۔

 محکمہ موسمیات کے مطابق پنجاب اور خیبر پختونخوا کے بیشتراضلاع میں موسم گرم اورخشک رہنے کا امکان ہے، میدانی علاقوں میں گردآلود ہوائیں چلنے کی بھی توقع ہے۔بٹگرام،تورغر،شانگلہ میں بھی تیزہوائوں وگرج چمک کیساتھ ہلکی بارش کا امکان ہے۔

 گزشتہ 24 گھنٹے میں بییشتراضلاع میں موسم گرم ومطلع جزوی ابرآلود رہا، ڈی آئی خان میں زیادہ سے زیادہ درجہ حرارت 45 سینیٹی گریڈریکارڈ کیا گیا، بنوں میں زیادہ سے زیادہ پارہ 43 سینٹی گریڈ ریکارڈ ہوا، پشاورمیں زیادہ سے زیادہ درجہ حرارت 42 سینٹی گریڈ ریکارڈکیا گیا۔

یہ بھی پڑھیں:مخصوص نشستوں پر نوٹیفکیشن روکنے کیخلاف درخواستیں، عدالت سے اہم خبر آگئی

کوئٹہ سمیت صوبہ کے بیشترعلاقوں میں موسم شدید گرم وخشک ہے، زیادہ سے زیارہ درجہ حرارت32 سے 34، قلات میں 29 سے 31 سینٹی گریڈ تک رہنے کا امکان ہے، گوادر اور جیونی میں درجہ حرارت 35 سے 37، نوکنڈی میں 38 سے 40 سینٹی گریڈ تک جا سکتا ہے۔

یہ بھی پڑھیں:پٹرولیم مصنوعات کی قیمتوں میں اضافے کا معاملہ: عدالت کا بڑا حکم