ٹی ٹوئنٹی ورلڈ کپ 2024 کی میزبانی امریکا اور ویسٹ انڈیز سے انگلینڈ منتقل کرنے کا امکان
Stay tuned with 24 News HD Android App
(ویب ڈیسک) آئی سی سی مینز ورلڈ کپ 2024 کی میزبانی ویسٹ انڈیز اور امریکا سے انگلینڈ منتقل کرنے کا امکان ہے۔
میڈیا رپورٹس کے مطابق امریکا اور ویسٹ انڈیز میں کرکٹ انفراسٹرکچر اور سہولیات کا فقدان ہے جس کی وجہ سے ٹی 20 ورلڈ کپ 2024 ان ممالک سے منتقل کیا جا سکتا ہے۔
رپورٹس میں مزید بتایا گیا ہے کہ امریکا اور ویسٹ انڈیز میں ابھی تک کرکٹ سٹیڈیم انٹرنیشنل معیار کے مطابق نہیں ہیں، تاہم کم وقت میں ورلڈ کپ کیلئے دونوں ممالک میں میدانوں کو تیار کرنا مشکل ہے۔
یہ بھی پڑھیں: انگلینڈ ٹی ٹوئنٹی بلاسٹ: شاہین شاہ آفریدی کی بہترین گیند بازی، ناٹنگھم شائر کی جیت
واضح رہے کہ آئی سی سی نے ٹی 20 ورلڈ کپ 2024 کی میزبانی امریکا اور ویسٹ انڈیز کو دی تھی اور 2030 کے ورلڈ کپ کی میزبانی انگلینڈ کو دی تھی۔ ایسی صورت حال میں آئی سی سی ٹی 20 ورلڈ کپ کی میزبانی انگلینڈ کو دینے کی درخواست کر سکتا ہے اور 2030 کے ٹی ٹوئنٹی ورلڈ کپ کی میزبانی امریکا اور ویسٹ انڈیز کو دی جا سکتی ہے۔