راکھی ساونت کو عمرہ ادائیگی کیلئے ویزہ مل گیا
Stay tuned with 24 News HD Android App
(ویب ڈیسک)بالی ووڈ کی متنازع اداکارہ و رقاصہ راکھی ساونت کی دیرینہ خواہش پوری ہوگئی، انہیں عمرے کا ویزا جاری ہوگیا۔
فوٹو اینڈ ویڈیو شیئرنگ پلیٹ فارمز پر وائرل ویڈیو میں راکھی ساونت اپنے مداحوں کو خوشخبری سناتے ہوئے کہہ رہی ہیں کہ "انہیں عمرے پر جانے کی اجازت مل گئی، ان کا ویزہ آگیا۔"
مذکورہ وائرل ویڈیو راکھی ساونت کے ٹریول ایجنٹ کے آفیشل اکاؤنٹ پر شیئر کی گئی ہے۔
View this post on Instagram
خیال رہے کہ گزشتہ برس تنازعات کا شکار رہنے والی بھارتی اداکارہ راکھی ساونت نے اسلام قبول کرکے عادل خان درانی سے دوسری شادی کی تھی اور بعدازاں اپنا نام فاطمہ رکھ لیا تھا۔
تاہم شادی کے اعلان کے کچھ عرصے بعد ہی اداکارہ اور ان کے شوہر عادل خان کے درمیان معاملات خراب ہوکر طلاق پر ختم ہوگئے تھے۔
شوہر کی بے وفائی سے دلبرداشتہ راکھی ساونت نے گزشتہ رمضان المبارک میں عمرے پر جانے کی خواہش کا اظہار کرتے ہوئے کہا تھا کہ" رمضان میں عمرہ کرلیا تو میرا نصیب کھل جائے گا۔ تاہم اس وقت انہیں ویزہ نہیں مل سکا تھا۔"
رمضان میں نہ سہی تاہم اب عمرے کی ادائیگی کے لئے انہیں ویزہ مل گیا ہے،جس کا اعلان خود راکھی ساونت نے کیا اور ویڈیو ان کے ٹریول ایجنٹ نے اپنے سوشل میڈیا اکاؤنٹ پر شیئر کی ہے۔