(ویب ڈیسک)یوکرین نے امریکی اسٹنگر سے روسی ہیلی کاپٹر مار گرایا جس کی ویڈیو سوشل میڈیا پر وائرل ہورہی ہے ۔
تفصیلات کے مطابق یوکرین کی وزارت دفاع نے ٹویٹراکاو¿نٹ پر ویڈیو شیئر کی ہے جس میں دیکھا جاسکتا ہے کہ ایک شخص یوکرین میں داخل ہونیوالے روسی جنگی ہیلی کاپٹر کو امریکی سٹنگر سے نشانہ بناتا ہے میزائل چند سیکنڈ کے اندر ہیلی کاپٹرکا تعاقب کرتے ہوئے اسے ٹکراتا ہے جس کے بعد ہیلی کاپٹر آگ کے ایک شعلے کے ساتھ بھڑک اٹھتا ہے اور ہیلی کاپٹر تباہ ہوجاتا ہے ۔یوکرین کی وزارت دفاع نے ٹویٹر پر ویڈیو شیئر کی اور ساتھ کیپشن میں لکھا کہ روسی اس طرح مرتے ہیں ۔
واضح رہے کہ یوکرین اور روس کے درمیان دو ہفتوں سے لڑا ئی جاری ہے ۔ یوکرین کے دارالحکومت کیف کے گلی کوچوں میں روس اور یوکرین کے درمیان جنگ جاری ہے۔روسی وزارتِ دفاع کی جانب سے دعویٰ کیا گیا ہے کہ اس نے یوکرینی فوج کے 821 ٹھکانے تباہ کر دیے ہیںجبکہ 14 ملٹری ایئر بیس اور 48 ریڈار بھی تباہ کردیئے گئے ۔
ادھریوکرینی وزارتِ دفاع نے دعویٰ کیا ہے کہ یوکرینی فوج نے جارحیت کے آغاز سے اب تک 10 ہزار روسی فوجیوں کو ہلاک کردیا۔ یوکرینی وزارتِ دفاع کے مطابق روس کے 39 لڑاکا طیارے، 40 ہیلی کاپٹر، 269 ٹینک، 945 بکتر بند بھی تباہ کیے گئے جبکہ روسی فوج کے 19 میزائل لانچر، 50 ملٹی پل راکٹ لانچر تباہ کیے۔جبکہ یوکرین نے دعوی کیا ہے کہ روسی فوج کے 409 فوجی ٹرک، 60 ایندھن ٹینک، 105 توپیں، 3 ڈرون تباہ کیے۔روس کے 2 جنگی بحری جہازوں کو غرقاب کیاہے ۔
یہ بھی پڑھیں:راولپنڈی سٹیڈیم میں ڈیوڈ وارنر کے باجوں کی گونج پر ٹھمکے ؛ ویڈیو وائرل