معروف فٹ بالر نے اسلام قبول کرلیا
Stay tuned with 24 News HD Android App
(ویب ڈیسک)ہالینڈ کے معروف فٹ بالر کلیرنس سیڈورف اپنی ایرانی اہلیہ کی وجہ سے اسلام قبول کر لیا۔
غیر ملکی خبر رساں ادارے کے مطابق ہالینڈ کے فٹ بالر کلیرنس سیڈورف نے اپنے انسٹاگرام پیج پر ایک پوسٹ میں اعلان کیا کہ انہوں نے اسلام قبول کر لیا۔سیڈورف نے اپنی اہلیہ کے ساتھ ایک تصویر پوسٹ کرتے ہوئے کہا کہ میرے اسلام میں شمولیت کی خوشی میں آپ کے تمام اچھے پیغامات کے لیے خصوصی شکریہ۔
سیڈورف نے لکھا کہ میں دنیا بھر میں اپنے تمام بھائیوں اور بہنوں کے ساتھ شامل ہونے پر بہت خوش ہوں، خاص طور پر میری پیاری بیوی، صوفیہ، جنہوں نے مجھے اسلام کا مفہوم زیادہ گہرائی سے سکھایا۔نام تبدیلی سے متعلق ان کا کہنا تھا کہ میں نے اپنا نام تبدیل نہیں کیا اور میں اس نام کو ہی جاری رکھوں گا جو میرے والدین نے میرے لیے منتخب کیا تھا۔
View this post on Instagram
واضح رہے کہ ڈچ فٹ بالر کلیرنس سیڈورف چیمپئنز لیگ کی تاریخ میں تین مختلف کلبز کے ساتھ ٹرافی جیتنے والے واحد کھلاڑی ہیں ۔