(ویب ڈیسک)پاکستان تحریک انصاف کے سابق رکن قومی اسمبلی ڈاکٹر حیدر علی نے پیپلز پارٹی میں شمولیت اختیار کر لی۔
تفصیلات کے مطابق سوات سے تعلق رکھنے والے تحریک انصاف کے سابق رکن قومی اسمبلی ڈاکٹر حیدر علی نے پارٹی چیئرمین بلاول بھٹو سے ملاقات کے بعد پیپلز پارٹی میں شمولیت کا اعلان کر دیاہے،ڈاکٹر حیدر علی پرویز خٹک کے دور میں ان کے مشیر رہے ہیں،انہوں نے پارٹی کی ہدایت پر چند ماہ قبل قومی اسمبلی کی نشست سے اپنا استعفیٰ جمع کروایا تھا،ڈاکٹر حیدر علی 2018میں پی ٹی آئی کے ٹکٹ پر صوبائی اور قومی اسمبلی کی نشست پر منتخب ہوئے تھے۔
یہ بھی پڑھیں: انتخابات کی تاریخ کا معاملہ، گورنر خیبرپختونخوا نے الیکشن کمیشن کے خط کا جواب دیدیا