عالیہ بھٹ اور رنبیر کپورنے دوسرے بچے کا نام پہلے ہی منتخب کرلیا
Stay tuned with 24 News HD Android App
(ویب ڈیسک)بالی ووڈ کی خوبرواداکارہ عالیہ بھٹ نے انکشاف کیا ہے کہ انہوں نے اپنے دوسرے بچے کے لیے پہلے ہی ایک لڑکے کا نام سوچ کر رکھا ہے۔
عالیہ بھٹ نے ایک پوڈ کاسٹ میں شرکت کی جہاں گفتگوکرتے ہوئے بتایا کہ جب میں اور رنبیرکپور اپنے پہلے بچے کے لیے نام تلاش کر رہے تھے تو گھر کے فیملی گروپ میں سب سے مشورے لے رہے تھے، ہم نے کئی لڑکیوں اور لڑکوں کے نام دیکھے، ہمیں ایک لڑکے کا نام بہت پسند آیا لیکن میں ابھی وہ نام ظاہر نہیں کروں گی۔
بھارتی اداکارہ نے مزید بتایا کہ رنبیر کی والدہ نیتو کپور نے راحہ کا نام تجویز کیا اور کہا کہ یہ نام لڑکے کے نام کے ساتھ بھی بہت اچھا لگے گا، مجھے اور رنبیر کو فوراً یہ نام پسند آ گیا اور ہم نے لڑکے اور لڑکی دونوں کے لیے نام طے کر لیے تھے۔
عالیہ بھٹ نے خوشی اور فخر کے ساتھ بتایا کہ راحہ کے معنی سکون، خوشی اور برکت کے ہیں۔
یہ بھی پڑھیں:کترینہ کیف کی ڈانس ویڈیوسوشل میڈیاپر وائرل
واضح رہے کہ عالیہ بھٹ اوررنبیرکپور اپریل 2022ء میں شادی کے بندھن میں بندھے تھے، اسی سال ان کی بیٹی راحہ پیدا ہوئی۔ عالیہ اس وقت ایک فلم"الفا" میں کام کر رہی ہیں جو یش راج فلمز کی پروڈکشن ہے۔