ون ڈے انٹرنیشنل کی عالمی رینکنگ میں پاکستان نے پہلی پوزیشن حاصل کرلی

(ویب ڈیسک) قومی کرکٹ ٹیم نے نیوزی لینڈ کو چوتھے ون ڈے انٹرنیشنل میں شکست دے کر عالمی پوائنٹس ٹیبل پر پہلی پوزیشن حاصل کرلی۔

تفصیلات کے مطابق  کراچی میں ہونے والے پانچ ایک روزہ میچز کی سیریز کے چوتھے میچ میں پاکستان نے نیوزی لینڈ کو 102 رنز سے شکست  دے دی۔

نیوزی لینڈ کے خلاف چوتھے ون ڈے میں فتح حاصل کرنے کے  بعد عالمی ٹیبل پوائنٹس پر پاکستانی ٹیم 113 پوائنٹس کے ساتھ پہلے نمبر آگئی جبکہ دوسرے اور تیسرے نمبر پر آسٹریلیا اور بھارت ہیں۔

آئی سی سی پوائنٹس ٹیبل پر پاکستان 113.483 کے ساتھ پہلے، آسٹریلیا 113.286 کے ساتھ دوسرے جبکہ بھارت 112.683 کے ساتھ تیسرے نمبر پر ہے۔

 واضح رہے کہ یہ پہلا موقع ہے کہ پاکستان ون ڈے کی عالمی ریکنگ میں پہلی پوزیشن پر آیا ہے۔

پاکستان کرکٹ بورڈ کی مینجمنٹ کمیٹی کے چیئرمین نجم سیٹھی نے تاریخی کامیابی پر ٹیم اور قوم کو مبارک باد دیتے ہوئے کہا کہ" کپتان بابراعظم، پوری ٹیم اور کوچنگ سٹاف اس اہم موقع پر مبارک باد کے مستحق ہیں، مجھے ٹیم پر فخر ہے اور اس کے لیے نیک تمنائیں ہیں"۔

انہوں نے کہا کہ مجھے یاد ہے کہ "میرے پچھلے دور میں پاکستانی ٹیم ٹیسٹ اور ٹی ٹوئنٹی کی عالمی رینکنگ میں پہلے نمبر پر آئی تھی اور اب وہ ون ڈے میں بھی دنیا کی نمبر ون ٹیم بن گئی ہے، امید ہے کہ ہماری جو ٹریننگ ہورہی ہے وہ ایشیا کپ اور پھر ورلڈ کپ میں کام آئے گی"۔نجم سیٹھی نے مزید کہا کہ "یہ عالمی رینکنگ تبدیل ہوتی رہتی ہیں لہذا یہ جو خوشی ملی ہے اسے منایا جائے"۔

پاکستان کی کرکٹ سٹارز سمیت شوبز شخصیات نے بھی اس کامیابی پر قومی ٹیم کو مبارک باد دی۔

قومی ٹیم کے سابق کپتان شاہد آفریدی نے آئی سی سی ریکنگ میں پہلی پوزیشن حاصل کرنے پر قومی ٹیم کو مبارک باد دیتے ہوئے اس لمحے کو تاریخی قرار دیا۔ انہوں نے کھلاڑیوں کو شاباش دیتے ہوئے کہا کہ" 102 رنز سے فتح، ورلڈکلاس ٹیم پر غلبہ اور عالمی رینکنگ میں پہلا نمبر ہوگیا"۔ 
آفریدی نے اپنی بات کو جاری رکھتے ہوئے لکھا کہ " بابر اعظم کو 5 ہزار رنز اور سنچریاں بنانے پر مبارک باد دی اورآغا سلمان، اسامہ میر، محمد وسیم نے بتادیا کہ یہ کیسے ممکن ہوا"۔ انہوں نے ٹیم کو مخاطب کرتے ہوئے کہا کہ "’لڑکوں پوری قوم کو تم پر بہت فخر ہے، آپ نے آنے والے ورلڈکپ کے حوالے سے ہماری امیدیں بڑھا دی ہیں"۔

World no 1 rank and a win by 102 runs, just wow! Well done boys on dominating a world class team! @babarazam258 congrats on 5K runs and 100 today again, and Agha Salman, Usama Mir and M Wasim showing how its done. Boys the whole nation is super proud, you have increased our…

— Shahid Afridi (@SAfridiOfficial) May 5, 2023

قومی ٹیم کے فاسٹ بولر حسن علی نے لکھا کہ "لڑکوں کو ورلڈ نمبر 1 بننے پر مبارک ہو! مثبت رفتار اور توانائی کو برقرار رکھیں, یہ اعزاز اب ہمارے پاس ہے انشاء اللہ ہم ہی اسے اپنے پاس رکھیں گے"۔

Can’t wait InshaAllah ???????????? #No.1 InshaAllah ????????

— MAWRA HUSSAIN (@MawraHocane) May 5, 2023

اداکارہ ماورا حسین اور گلوکار عاصم اظہر سمیت دیگر شوبز شخصیات نے بھی ٹیم کے نمبر ون بننے پر مبارک باد پیش کی۔

#1 ODI TEAM IN THE WORLD. ???????????????? what an amazing performance by the boys!!! So proud of them. Like i say, this lot is destined for greatness inshallah ???????? #PAKvNZ

— Asim Azhar (@AsimAzharr) May 5, 2023