(ویب ڈیسک) پاکستان فلم انڈسٹری کے سینئر اداکار شان شاہد نے سوشل میڈیا پر اپنے پاؤں کی دلچسپ تصویر شیئر کی ہے جس میں بیٹی نے شان شاہد کے پاؤں پر نیل پالش لگادی۔
اداکار کی جانب سے سماجی رابطے کی ویب سائٹ ٹوئٹر پر بیٹیوں سے متعلق جذباتی نوٹ شیئر کرتے ہوئے بیٹی اور نیل پالش لگے اپنے پاؤں کی تصویر شیئر کی گئی ہے۔
شان شاہد کا بتانا ہے کہ اُن کی بیٹی کے مطابق اُن کے پاؤں پر نیلی کے بجائے سرخ نیل پالش خوبصورت لگتی ہے۔
مزید پڑھیں: مِس یونیورس مقابلے کی فائنلسٹ سینا ویر چل بسیں
شان شاہد نے اپنی ٹوئٹ میں بیٹیوں کے لیے جذباتی نوٹ میں مزید لکھا ہے کہ بیٹیاں پیار کرتی ہیں، بیٹیاں مصور ہوتی ہیں اور باپ اُن کے کینوس، بیٹیاں رحمت ہوتی ہیں، جنت کے لیے ہمارا بورڈنگ پاس ہوتی ہیں، والدین کو فخر ہونا چاہیے کہ انہیں بیٹیاں نصیب ہوتی ہیں۔