پاکستان کے دنیا کی نمبر 1 ٹیم بننے پر راشد لطیف کا دلچسپ تبصرہ

(ویب ڈیسک) پاکستان کرکٹ ٹیم کے سابق کپتان راشد لطیف نے ون ڈے رینکنگ میں پاکستان ٹیم کے پہلی پوزیشن پر آنے پر الگ ہی اور دلچسپ انداز میں تبصرہ کیا ہے۔

راشد لطیف نے ایک سوشل میڈیا پیغام میں کہا کہ بہترین وقت پر نمبر ون پوزیشن حاصل کی گئی جس میں بابر، فخر، امام، شاہین اور شاداب کی رینکنگز بھی شامل ہیں۔

سابق کپتان نے لکھا کہ یہ ایشین کرکٹ کونسل، انٹرنیشنل کرکٹ کونسل اور ان کے اسپانسرز کو کوئی بھی فیصلہ کرنے سے پہلے سوچنے پر مجبور کر دے گا۔

راشد لطیف نے لکھا کہ پاکستان ایک طاقت ہے اور اس کا مظاہرہ انہوں نے ایک بار پھر کر دیا ہے۔

Perfect timing to achieve No1. ODI rankings. This, supported by high rankings of Babar, Fakhar, Imam, Shaheen and Shadab, will make the ACC, ICC and their sponsors think hard before making any decisions. Pakistan is a force and they have demonstrated this again.
Well done lads.… pic.twitter.com/sgjSnkUT58

— Rashid Latif | ???????? (@iRashidLatif68) May 5, 2023

واضح رہے کہ اس وقت ون ڈے انٹرنیشنل بیٹرز میں بابر اعظم پہلے اور فخر زمان دوسرے نمبر پر ہیں جبکہ امام الحق پانچویں اور بولرز میں شاہین آفریدی دسویں پوزیشن پر ہیں۔

ورلڈ کپ کیلئے پاکستان ٹیم کے بھارت جانے اور ایشیاء کپ کیلئے بھارتی ٹیم کے پاکستان آنے سے متعلق اب تک کوئی واضح بات سامنے نہیں آئی ہے۔