(ویب ڈیسک)ٹی ٹونٹی ورلڈ کپ کے میچ میں آسٹریلیا نے دفاعی چیمپیئن ویسٹ انڈیز کو 8 وکٹوں سے شکست دے کر سیمی فائنل تک رسائی کی امیدیں روشن کر لی ہیں۔
تفصیلات کے مطابق ٹی ٹونٹی ورلڈ کپ میں آسٹریلیا نے ٹاس جیت کر پہلے فیلڈنگ کا فیصلہ کیا ۔آسٹریلوی کپتان ایرون فنچ نے ٹاس جیت کر ویسٹ انڈیز کوپہلے بیٹنگ کی دعوت دی ۔ویسٹ انڈیز نے مقررہ 20اوورز میں7وکٹوں کے نقصان پر 157رنز بنائےاور آسٹریلیا کو جیت کیلئے 158رنز کا ہدف دیا۔
ویسٹ انڈیز کی طرف سے کیرن پولارڈ نے شاندار 44رنز کی اننگز کھیلی ۔ایون لیوس نے 29اور شیمرون ہٹمیر نے 27رنز بنائے ۔رسل نے 18رنز کی اننگز کھیلی ۔کرس گیل 15اور ڈیوائن براو 10بنانے میں کامیاب ہوئے ۔
آسٹریلیا کی طرف سے جوش ہیزلے ووڈ نے 4کھلاڑیوں کو آؤٹ کیا ۔جبکہ مچل سٹارک ،پٹ کیومن اور ایڈم زیمپا نے ایک ایک کھلاڑی کو آؤٹ کیا ۔
آسٹریلیا نے ہدف دووکٹوں کے نقصان پر حاصل کرلیا ۔آسٹریلیا کے ڈیوڈ وارنر نے صرف 56 گیندوں پر 4 چھکوں اور 9 چوکوں کی مدد سے 89رنز کی ناقابل شکست اننگز کھیلی اور میچ کے بہترین کھلاڑی قرار پائے۔جبکہ مچل مارش نے 53رنز بنائے ۔ارون فنچ 9 رنز بنا سکے ۔
یہ بھی پڑھیں:کترینہ کیف نے اکشے کمار کو تھپڑ مارنے کی وجہ بتا دی