پاکستان میں چین اور مملکت سعودیہ کی طرف سے 13 ارب ڈالر کی سرمایہ کاری کی جائے گی،چودھری سالک حسین

(24نیوز) وفاقی وزیر سرمایہ کاری چوہدری سالک حسین نے کہا کہ پاکستان میں چین اور مملکت سعودیہ کی طرف سے 13 ارب ڈالر کی سرمایہ کاری کی جائے گی۔ چوہدری سالک حسین نے کہا کہ حکومت کی بھرپور کوششوں سے قومی معیشت کو فروغ ملے گا اور مخصوص اقتصادی زونز اور انڈسٹریز میں سرمایہ کاری ہوگی۔ ان کا کہنا تھا کہ ایم ایل 1، کراچی سرکلر ریلوے اور حیدرآباد تا کراچی میں بھی سرمایہ کاری کی جائے گی۔ ان کا مزید کہنا تھا کہ قوم کو یاد رکھنا چاہیے کہ وہ کون ہیں جو ملک کی بنیادوں کو مضبوط بنانا چاہتے ہیں اور کون چند لوگ ہیں جو اپنی خود غرضانہ اور نفرت پہ مبنی سیاست کے ذریعے اسے تباہ کرنا چاہتے ہیں۔