رنبیر کپور، یش اور سائی پلاوی کی فلم "رامائن"کو 2 حصوں میں ریلیز کرنے کا اعلان
Stay tuned with 24 News HD Android App
(24 نیوز)بھارتی فلم انڈسٹری کے معروف ڈائریکٹر نیتیش تیواری نے فلم "رامائن" کو 2 حصوں میں ریلیز کرنے کا اعلان کردیا ۔
پرائم فوکس اسٹوڈیوز کے بانی نمیت ملہوترہ نے سوشل میڈیا پر فلم کا پوسٹر شیئر کرتے ہوئے بتایا کہ" یہ فلم دو حصوں میں ریلیز کی جائے گی: پہلا حصہ 2026 میں اور دوسرا حصہ 2027 میں۔"
انہوں نے لکھا کہ "ایک دہائی پہلے، میں نے اس عظیم اور مقدس کہانی کو بڑی سکرین پر لانے کا خواب دیکھا تھا، جو پچھلے 5000 سالوں سے اربوں لوگوں کے دلوں پر راج کر رہی ہے۔ آج مجھے خوشی ہے کہ ہماری ٹیمیں اس خواب کو حقیقت میں بدلنے کے لیے محنت کر رہی ہیں، اور ہمارا مقصد ہے کہ ہم "رامائن" کو ایک مستند، مقدس، اور بصری طور پر شاندار طریقے سے دنیا بھر کے لوگوں تک پہنچائیں۔"
انہوں نے کہا کہ "ہمارے ساتھ شامل ہوں، جب ہم اس عظیم ایپک کو فخر اور عزت کے ساتھ زندہ کریں گے۔"
واضح رہے کہ 2026 اور 2027 میں ریلیز ہو نے والی یہ فلم "رامائن " میں معروف اداکارہ رنبیر کپور "بھگوان رام" کا کردار ادا کریں گے, اداکارہ سائی پلاوی سیتا کا جبکہ یش چوپڑا " راون" کا کردار ادا کریں گے۔