قومی ایرلائن کے نئے سربراہ کی تلاش شروع،سی ای او کی تقرری کیلئےاشتہار جاری

(سعید احمد)قومی ایرلائن پاکستان انٹرنیشنل ائیرلائن( پی آئی اے) کے نئے سربراہ کی تلاش شروع کردی گئی۔

تفصیلات کے مطابق پی آئی اے کے نئے سی ای او کی تقرری کے لیے اشتہار جاری کردیا گیا،سی ای او پی آئی اے کے عہدے کے لیے عمر کی حد کم سے 45 اور زیادہ سے زیادہ 57 سال رکھی گئی ہے،سی ای او پی آئی اے کے عہدے کے لئے کسی بڑے ادارے کو چلانے کا 20سال کا تجربہ یا پھر ایوی ایشن انڈسٹری میں 10 سال کا منیجمنٹ تجربہ لازمی شرط رکھی گئی ہے جبکہ 15 روز کے اندر سی ای او پی آئی اے کے عہدے کے لیے درخواست جمع کرائی جاسکتی ہے۔

واضح رہے کہ موجودہ پی آئی اے سی ای او عامر حیات کی مدت ملازمت ختم ہوگئی۔ 

یہ بھی پڑھیں: پنجاب حکومت کا پرائمری سے ہائیر سیکنڈری تک سکولز بند کرنے کا اعلان