(روزینہ علی)محکمہ موسمیات نےملک کے مختلف حصوں میں بارش اور پہاڑوں پر برفباری کی پیشگوئی کر دی ۔
موسم کاحال بتانے والوں کا کہنا ہے کہ اسلام آباد اور گردونواح میں موسم خشک رہنے کا امکان ہے ،جبکہ خیبرپختونخواکے بیشتر اضلاع میں موسم خشک جبکہ پہاڑی علاقوں میں صبح/ رات کےاوقات میں سرد رہنے کا امکان ہے ، چترال اور گر دو نواح میں مطلع جزوی ابر آلود رہنے کے علاوہ چند مقا مات پر شام/رات میں ہلکی بارش اور بلند پہاڑوں پر ہلکی برفباری ہو سکتی ہے۔
پنجاب کے بیشتر اضلاع میں موسم خشک رہنے کا امکان ہے تا ہم سیالکوٹ، نارووال ، گوجرانوالہ ،لاہور، قصور،اوکاڑہ ، سرگودھا، جھنگ ، شیخوپورہ، ساہیوال ، فیصل آباد، بہاولپور ،ملتان، رحیم یار خان،ڈی جی خان اور گردونواح میں سموگ چھائے رہنے کی توقع ۔ شیخوپورہ،ساہیوال ، فیصل آباد، بہاولپور، ملتان اور گردو نواح میں چند مقامات پرصبح کے اوقات میں دُھند پڑنے کا بھی امکان ہے ۔
بلوچستان کے بیشتر اضلاع میں موسم خشک جبکہ پہاڑی علاقوں میں صبح / رات کےاوقات میں سرد رہنے کا امکان ہے،سندھ کے بیشتر اضلاع میں موسم گرم اور خشک رہنے کا امکان ہے ،کشمیر اور گلگت بلتستان میں مطلع جزوی ابر آلود رہنے کے علاوہ شام/رات میں چند مقا مات پر ہلکی بارش اور بلند پہاڑوں پر ہلکی برفباری ہو سکتی ہے۔