ظالم کھلاڑی۔۔ریفری کو فٹبال بنا لیا۔۔ ویڈیو دیکھ  کر لوگ پریشان

(مانیٹرنگ ڈیسک) لاطینی ملک برازیل میں فٹبال کے ایک میچ کے دوران ایک ظالم کھلاڑی نے ٹیم کے ریفری کو ہی فٹبال بنا لیا اور اس کے سر میں لاتیں مار کراسے شدید زخمی کردیا۔ کھلاڑی کی طرف سے کئے گئے اس انتہائی غلط اقدام کی ویڈیو سوشل میڈیا پر خوب وائرل ہو رہی ہے۔ کھیلوں کے شائقین ویڈیو دیکھ کر پریشان ہو گئے۔

عرب میڈیا رپورٹس  کے مطابق برازیل پولیس نے میچ کے دوران ریفری پر تشدد کرنے پر  ونسیو آئرس شہر کے ساؤ پالو کلب کے کھلاڑی ولیم ربیرو کو گرفتار کر لیا ہے۔پولیس نے کھلاڑی کو ایڈمنڈو فکس سٹیڈیم سے باہر نکال دیا۔ اس نے ریفری روڈریگو کریویلارو زمین پر گرانے کے بعد اس کے سر میں بیدردی سے لاتیں ماریں کیونکہ اس نے اسے ییلو کارڈ دکھایا تھا۔

Lance mais detalhado da agressão de William Ribeiro ao árbitro Rodrigo Crivellaro.

Percebem que, após agredir o árbitro, William tentou agredir um jogador adversário.pic.twitter.com/itfQ0QnsFn

— FutebolNews (@realfutebolnews) October 5, 2021

 کھلاڑی نے ریفری کو زور دار لات اس وقت ماری جب ریفری نے میچ روکنے کا مطالبہ کیا ۔مقامی میڈیا کے مطابق منتظمین نے میچ فوری طور پر ختم کر دیا جبکہ گورانی کے حق میں اسکور 1-0 تھا۔

ساؤ پاؤلو کلب نےاس واقعے پر افسوس کا اظہار کیا اور ایک بیان میں کہا کہ کسی شخص کی زندگی کے ساتھ ایسی مہم جوئی کا کوئی جواز نہیں۔بیان میں ریفری روڈریگو کریویلارو کی جلد صحت یابی کی دعا کی ہے اور کہا ہے کہ جارحانہ رویہ  کسی مسئلے کا حل نہیں۔

یہ بھی پڑھیں: ’ ہو رہاہے، نہیں ہورہا نا ،اس کے ابا نہیں مان رہے‘ ویڈیو وائرل