اداکارہ ابیر قریشی بھی رشتۂ ازدواج میں منسلک

 (مانیٹرنگ ڈیسک)پاکستان ڈرامہ انڈسٹری کی اُبھرتی ہوئی نوجوان اداکارہ ابیر قریشی رشتۂ ازدواج میں منسلک ہوگئیں،انہوں نے  فوٹو اینڈ ویڈیو شیئرنگ ایپ انسٹاگرام پر اپنی شادی کے دن کی خوبصورت تصویر شیئر کی ہے۔

 انسٹاگرام پر شیئر کی گئی تصویر میں ابیر قریشی لال اور گولڈن رنگ کے خوبصورت عروسی لباس میں ملبوس ہیں جبکہ اُن کے شوہر میر باسط نے گولڈن رنگ کی شیروانی زیب تن کی ہوئی ہے۔

View this post on Instagram

A post shared by Abeer Qureshi (@abeerqureshi.official)

تصویر میں ابیر قریشی محبت بھری نظروں سے اپنے شوہر میر باسط کو دیکھ رہی ہیں۔

ابیر قریشی نے انسٹاگرام پر تصویر شیئر کرتے ہوئے بتایا کہ ’وہ گزشتہ ماہ 27 اگست کو میر باسط کے ساتھ رشتۂ ازدواج میں منسلک ہوئیں۔‘

اداکارہ کی پوسٹ پر اُن کے مداحوں اور دوستوں کی بڑی تعداد اُنہیں شادی کی مبارکباد دے رہی ہے اور اُن کی نئی زندگی کے لیے نیک خواہشات کا اظہار بھی کررہی ہے۔واضح رہے کہ ابیر قریشی حال ہی میں ڈرامہ سیریل ’یوں تو پیار ہے بہت‘ میں جلوہ گر ہوئیں جو کہ ایک نجی ٹی وی چینل پر نشر کیا گیا تھا، اس ڈرامہ سیریل کے مرکزی کرداروں میں حرا مانی اور عفان وحید شامل تھے۔
 یہ بھی پڑھیں:      حکومت کی انتخابی اصلاحات بارے قانون سازی پر حتمی مشاورت شروع