ایشیائی ترقیاتی بینک پاکستان کو بھاری قرض دینے کو تیار

(24نیوز )ایشیائی ترقیاتی بینک (ADB) دسمبر کے اختتام سے قبل تقریباً 2 بلین ڈالر کے قرضوں کی منظوری دے گا, درآمدات کی حوصلہ شکنی کے لیے نان ٹیرف رکاوٹوں کو برقرار رکھنے کی پالیسی کی حمایت کرنے والے نئے وزیر خزانہ کے ساتھ آمد سے پاکستان کو اپنے ذخائر کو موجودہ سطح پر برقرار رکھنے میں مدد ملے گی۔

 تفصیلات کے مطابق توقع  کی  جارہی ہے کہ ADB  اکتوبرمیں 1.5 بلین ڈالر کے قرض کی منظوری دے گا، جس کے بعد 400 ملین سے 500 ملین ڈالر کی حد میں یہ ایک اور ہنگامی امدادی قرضہ ہوگا، جس کی منظوری 13 دسمبر کو دی جائے گی۔روپے کو مضبوط کرنے کے لیے کرنسی مارکیٹ کے سٹے بازوں کے گرد گھیرا تنگ کرنے کے حکومتی اقدام کے درمیان، ان قرضوں سے موجودہ زرمبادلہ کے ذخائر کو سہارا دینے کی توقع ہے، جو کہ انتہائی کم 8 بلین ڈالر ہیں۔تاہم جب تک ایکسچینج مارکیٹ میں حالات معمول پر نہیں آتےاس بات کا امکان نہیں ہے کہ حکومت آٹوموبائل، مشینری اور آلات کی درآمد پر پابندیوں میں نرمی کرے گی۔

وزارت خزانہ کی طرف سے جاری کردہ ایک بیان کے مطابق بدھ کوہونے والی ملاقات میں درآمدات اور برآمدات بڑھانے کے حوالے سے کاروباری برادری کو سہولت فراہم کرنے کے طریقوں پر تبادلہ خیال کیا گیا اور حکام نے بتایا کہ وزیر خزانہ اس وقت تک پابندیاں ہٹانے پر راضی نہیں ہوئے جب تک کہ ایکسچینج مارکیٹ میں حالات معمول پر نہیں آتے اور بیرونی شعبے پر دباؤ کم نہیں ہو جاتا۔

قبل ازیں  یہ پابندیاں اعلیٰ درآمدات کو کم کرنے کے لیے لگائی گئی تھیں جس سے ملک کے خطرے سے دوچار ڈیفالٹ کا خطرہ بڑھ گیا تھا۔بدھ کو  ڈار نے ADB کے ایک وفد سے ملاقات بھی کی جس کی سربراہی اس کے کنٹری ڈائریکٹر یونگ یی کر رہے تھے۔ ملاقات میں اے ڈی بی کے ڈپٹی کنٹری ڈائریکٹر اسد علیم بھی موجود تھے۔یہ بات قابل غور ہے کہ پاکستان نے تباہ کن سیلاب کی وجہ سے بڑھتے ہوئے معاشی بحران سے نمٹنے کے لیے 1.5 بلین ڈالر کا قرض مانگا۔ ADB اپنےسرمائے کے وسائل میں سے 1.25 بلین ڈالر کا قرض فراہم کرے گا ۔

واضح رہے کہ ابھی تک، عالمی بینک، ADB،یورپی یونین اور اقوام متحدہ سمیت بین الاقوامی قرض PDNA رپورٹ پر کام کر رہے ہیں، کسی نے بھی ابھی تک نقصانات کا اندازہ لگانا شروع نہیں کیا۔2 بلین ڈالر کے تازہ قرضے کے علاوہ ADB خیبرپختونخوا اور سندھ میں منصوبوں کے دائرہ کار کو تبدیل کرنے کے لیے بھی کام کر رہا ہے تاکہ فنڈز سیلاب کی بحالی کی طرف موڑ سکیں۔