نام بگاڑنے پر ساتھی طالب علم کو قتل کر دیا

(24 نیوز) شکرگڑھ پولیس نے آٹھویں جماعت کے طالب علم کے اندھے قتل کا سراغ لگا لیا۔

تفصیلات کے مطابق شکرگڑھ میں تین ہفتے قبل قتل ہونے والے طالب علم کا قاتل اس کا اپنا ہم جماعت ہی نکلا۔ ملزم عبداللہ نے پولیس کے سامنے اعتراف جرم بھی کرلیا۔

پولیس کے مطابق عبداللہ نے ساتھی کلاس فیلو علی رضا کو بیہمانہ طور پر قتل کر کے نعش ویرانے میں پھینک دی۔ تفتیش کے دوران عبداللہ نے پولیس کو بتایا کہ علی رضا کلاس میں اکثر میرا نام بگاڑتا تھا اور منع کرنے پر بھی باز نہیں آتا تھا۔

عبداللہ نے مزید بتایا کہ والدین اور اساتذہ کو شکایت لگائی مگر ان کی جانب سے نوٹس نہیں لیا گیا۔ اس لیے بدلہ لیا۔

یہ بھی پڑھیے: سوشل میڈیا پر وائرل ڈکیتی کی ویڈیو، ملزم گرفتار