کراچی:سورج آج پھر آنکھیں دکھائے گا! موسم گرم رہے گا

 (24نیوز) شہر قائد میں سمندری ہوائیں بند ہونے سے حبس میں اضافے کی پیش گوئی، کراچی کا موسم آج بھی گرم و مرطوب رہے گا۔

محکمہ موسمیات کی رپورٹ کے مطابق سورج کراچی والوں کو آج بھی اپنے تیور دکھائے گا، جس کی وجہ سے آج زیادہ سے زیادہ درجہ حرارت 38 ڈگری سینٹی گریڈ ریکارڈ کیے جانے کا امکان ہے۔

محکمہ موسمیات کا کہنا ہے کہ سمندری ہوائیں بند ہونے سے حبس میں اضافہ ہوگا جو موسم کے گرم اور مرطوب رہنے کا باعث بنے گا۔محکمہ موسمیات کے مطابق ہوا میں نمی کا تناسب 78 فیصد ریکارڈ کیا گیا ہے جبکہ شہر کا موجودہ درجہ حرارت 28 ڈگری سینٹی گریڈ ریکارڈ کیا گیا ہے، شہر میں 4 کلومیٹر فی گھنٹے کی رفتار سے ہوائیں چل رہی ہیں۔