(ویب ڈیسک)معروف پاکستانی اداکارہ عائشہ عمر کا کہنا ہے کہ خواہش کے باوجود اب تک وہ خانہ کعبہ نہیں دیکھ سکیں آئندہ کچھ عرصے میں عمرے پر ضرور جائیں گی۔
تفصیلات کے مطابق عائشہ عمر کچھ روز قبل نجی ٹی وی کے ایک پروگرام میں شریک ہوئیں جہاں ان سے میزبان نعمان اعجاز نے متعدد سوالات کیے، ان ہی سوالوں میں سے ایک یہ تھا کہ کوئی ایسی جگہ بتائیں جہاں ابھی تک بہت خواہش کے باوجود بھی آپ نہ جاسکیں ہوں؟
اداکارہ نے مسکراتے ہوئے بے ساختہ جواب دیا کہ 'خانہ کعبہ'، ساتھ ہی عائشہ عمر نے کہا کہ میں اب تک تو نہیں جاسکی لیکن ان شاء اللہ اگلے ایک سال میں ضرور عمرے کی ادائیگی کے لیے جاؤں گی۔
شو کے میزبان نے پوچھا کہ ’ عمرہ ادا کرنے کے بعد کیا آپ کی زندگی میں کوئی تبدیلی آئے گی؟‘
جس کا جواب دیتے ہوئے عائشہ عمر کا کہنا تھا ’ بالکل وہ اپنی زندگی گزارنے کے طریقوں کو بد لیں گی۔‘
یہ بھی پڑھیں: رواں برس عیدالفطر کب ہو گی؟ماہر فلکیات نے پیشگوئی کر دی