حج درخواستیں بغیر قرعہ اندازی کے ہی منظور کر لی جائیں گی،  اسحاق ڈار 

(ویب ڈیسک) وزیر خزانہ اسحاق ڈار نے اعلان کیا کہ حکومتی سکیم کے تحت تمام حج درخواستیں بغیر قرعہ اندازی کے ہی منظور کر لی جائیں گی،رواں سال حج قرعہ اندازی نہیں ہوگی کیونکہ حج کیلئے دستیاب کوٹے کے مقابلے میں کم درخواستیں موصول ہوئی ہیں۔

تفصیلات کے مطابق نجی ٹی وی پر وزیر برائے مذہبی امور مفتی عبدالشکور کے ہمراہ خطاب کرتے ہوئے اسحاق ڈار نے کہا کہ اس سال حج کیلئے ریگولر سکیم کے تحت 44 ہزار 190 کا کوٹہ تھا جبکہ کل 72 ہزار 869 درخواستیں موصول ہوئی ہیں،وزارت خزانہ نے تمام عازمین حج کی درخواستیں قبول کرنے کا منصوبہ بنایا ہے، ا س کے لئے اضافی زرمبادلہ کی ضرورت ہوگی جو اسٹیٹ بینک آف پاکستان کے تعاون سے فراہم کیا جائے گا.

Finance Minister Senator Mohammad Ishaq Dar and Federal Minister for Religious Affairs Mufti Abdul Shakoor's policy statement on Haj Scheme 2023.
No ballotting this year. All intended applicants are considered for performing Haj this year. pic.twitter.com/3MnGeAHags

— Ministry of Finance (@FinMinistryPak) April 6, 2023

حکومت نے حج کوٹے کی تقسیم میں تقریباً 45 ہزار کوٹہ اسپانسر شپ اسکیم کے تحت مختص کیا تھا،اس اسکیم کے تحت درخواست دہندگان کو حج کے واجبات ڈالر میں ادا کرنے تھے لیکن اس اسکیم کے تحت حکومت کو صرف 6 ہزار کے قریب درخواستیں موصول ہوئیں۔