چیف جسٹس پاکستان کی برطرفی کیلئے سپریم جوڈیشل کونسل میں شکایت دائر

(24 نیوز) چیف جسٹس پاکستان عمر عطا بندیال کیخلاف سپریم جوڈیشل کونسل میں شکایت دائر کر دی گئی۔ شکایت وکیل راجہ سبطین خان کی جانب سے دائر کی گئی۔

چیف جسٹس عمر عطا بندیال کیخلاف شکایت پنجاب، خیبرپختونخوا انتخابات کیس کی بنیاد پر دائر کی گئی، جس میں کہا گیا کہ انتخابات سے متعلق ازخودنوٹس سے سپریم کورٹ متنازع ہوئی، زبان زدعام ہے کہ چیف جسٹس نے عدلیہ میں گروپنگ کر رکھی ہے، چیف جسٹس نے گروپنگ مدنظر رکھتے ہوئے بنچ تشکیل دیا تاکہ فیصلہ اکثریت سے حاصل کیا جا سکے۔

 چیف جسٹس پاکستان کے خلاف شکایت میں استدعا کی گئی کہ چیف جسٹس مس کنڈکٹ کے مرتکب قرار پائے ہیں، انہیں فوری طور پر عہدے سے برطرف کیا جائے۔