"انوشکا شرما کا کیریئر تباہ کرنا چاہتا تھا"، کرن جوہر کی ویڈیو وائرل

(ویب ڈیسک)بالی ووڈ کے مشہور ہدایتکار اور پروڈیوسر کرن جوہر کی ایک پرانی ویڈیو وائرل ہو رہی جس میں انہوں نے اعتراف کیا کہ وہ انوشکا کا کیرئیر تباہ کرنا چاہتے تھے۔

تفصیلات کے مطابق مشہور فلم ایڈیٹر اپوروا نے ٹوئٹر پر کرن جوہر اور انوشکا شرما کے ایک پرانے انٹرویو کی ویڈیو شیئر کی ہے جس میں کرن جوہر کو کہتے سنا جا سکتا ہے کہ وہ انوشکا کا کیرئیر مکمل تباہ کرنا چاہتے تھے۔ ویڈیو میں کرن کہتے ہیں کہ "جب فلم "رب نے بنا دی جوڑی "کیلئے ادتیا چوپڑا نے مجھے انوشکا کی تصویر دکھائی تو میں نے کہا کہ کیا تم پاگل ہوگئے ہو اسے کاسٹ کرو گے اسے مت کرنا کاسٹ"۔ کرن جوہر کو کہتے سنا جا سکتا ہے کہ" انہوں نے جب "رب نے بنا دی جوڑی "کے بعد انوشکا کی فلم" بینڈ باجا بارات" دیکھی تو وہ انوشکا کو فون کر کے ان کی تعریف کرنے اور ان سے معافی مانگنے پر مجبور ہوگئے کیونکہ انہوں نے ایسی بہترین اور ٹیلنٹڈ اداکارہ کے کیرئیر کو ختم کرنا چاہا تھا۔

'I totally wanted to murder Anushka Sharma's career' - Karan Johar confesses to Rajeev Masand & Anupama Chopra in 2016. Said in jest, I'm sure, but still a worthy point in the raging insider-outsider debate. pic.twitter.com/8JNLp8Kyud

— Apurva (@Apurvasrani) April 6, 2023

اس موقع پر انوشکا بھی کرن جوہر کے ساتھ موجود ہیں اور ہنستی ہوئی دکھائی دے رہی ہیں تاہم سوشل میڈیا صارفین کی جانب سے اس ویڈیو کے منظرِ عام پر آنے کے بعد کرن جوہر پر کڑی تنقید کی جارہی ہے۔

فلم ساز ویوک اگنی ہوتری نے بھی اس ویڈیو کو ری ٹوئٹ کرتے ہوئے کرن جوہر کو آڑے ہاتھوں لے لیا انہوں نے لکھا کہ "کیریئر بنانا اور ختم کرنا کسی کا مشغلہ ہے، اگر بالی ووڈ گٹر میں ہے تو اس کی وجہ باصلاحیت آوٹ سائیڈرز کے خلاف چند لوگوں کی گندی سیاست ہے۔"

Someone’s only hobby is to make or break careers. If Bollywood is in gutter, it’s because of some people’s dirty ‘backroom’ politics against talented outsiders. https://t.co/GNPRjiW5ry

— Vivek Ranjan Agnihotri (@vivekagnihotri) April 6, 2023

یاد رہے کہ حال ہی میں پریانکا چوپڑا نے بھی اپنے ایک انٹرویو میں کہا تھا کہ" انہیں بالی ووڈ میں اس حد تک کونے میں دھکیلا گیا کہ وہ ہالی ووڈ میں قسمت آزمانے پر مجبور ہوگئیں کیونکہ انہیں بالی ووڈ میں کام نہیں مل رہا تھا"، جس کے بعد اداکارہ کنگنا رناوت نے بھی پریانکا کی حمایت کرتے ہوئے کہا تھا کہ" کرن جوہر نے پریانکا چوپڑا کی بالی ووڈ میں پابندی لگا رکھی تھی"۔