(ویب ڈیسک) پاکستانی بلاک بسٹر ڈرامہ سیریل "تیرے بن" کی نئی اقساط کی ویڈیو شیئرنگ پلیٹ فارم یوٹیوب پر ٹاپ ٹرینڈز میں شامل ہوگئی۔
تفصیلات کے مطابق معروف ڈرامہ سیریل"’تیرے بن" کی نئی یعنی 29 ویں قسط یوٹیوب پر پاکستان اور بھارت میں ٹاپ ٹرینڈ کررہی ہے،اس ڈرامے کی نئی قسط کو ویڈیو شیئرنگ پلیٹ فارم پر ابھی تک 18 ملین ویوز مل چکے ہیں,جبکہ 9 ہزارسے زائد کمنٹس کئے گئے ہیں۔
دوسری جانب" تیرے بن" کی 30 ویں قسط اب تک یو ٹیوب پر 13 ملین ویوز حاصل کر چکی ہے، جبکہ اس ویڈیو پر بھی صارفین کی جانب سے 9 ہزار سے زائد کمنٹس کئے جا چکے ہیں۔
واضح رہے کہ سیونتھ اسکائی انٹرٹینمنٹ کی جانب سے پیش کیے گئے سراج الحق کی ہدایتکاری میں بننے والے ڈرامہ سیریل"تیرے بن" میں اداکار وہاج علی اور اداکارہ یمنیٰ زیدی مرکزی کردار ادا کرتے نظر آرہے ہیں, جسے مداحوں کی جانب سے خوب پسند کیا جا رہا ہے جبکہ وہاج علی کی اداکاری کے تو پاکستان سمیت بھارت میں بھی خوب چرچے کئے جا رہے ہیں۔