خلیل الرحمان قمر ہنی ٹریپ اور اغواء برائے تاوان کیس میں اہم پیش
Stay tuned with 24 News HD Android App
(24نیوز) انسداد دہشت گردی عدالت میں ڈرامہ نگار خلیل الرحمان قمر کے ہنی ٹریپ اور اغوا برائے تاوان کیس میں اہم پیش رفت سامنے آگئی۔
لاہورمیں انسداد دہشت گردی عدالت میں ڈرامہ نگار خلیل الرحمان قمر کے ہنی ٹریپ اور اغوا برائے تاوان کیس میں ڈپٹی پراسیکیورٹر عبدالجبار ڈوگر نے کیس پر حتمی دلائل دیے اور ملزمان آمنہ عروج سمیت دیگر ملزمان کو سزا دینے کی استدعا کی۔
ذرائع کے مطابق عدالت میں فریقین کے وکلا مقدمہ پر حتمی بحث کے لیے پیش ہوئے جبکہ ملزمان آمنہ عروج اور حسن شاہ سمیت 10 ملزمان کو جیل سے عدالت میں پیش کیا گیا۔
برضمانت ملزم یاسر علی بھی خود حاضری کے لیے عدالت میں موجود تھا۔
کیس کی سماعت انسداد دہشت گردی عدالت کے جج ارشد جاوید کی زیر صدارت ہوئی، اور عدالت نے فیصلہ سنانے کے لیے حتمی بحث تک مقدمے کی سماعت ملتوی کردی۔
یہ بھی پڑھیں:نرگس نازیبا تصاویر کیس:اداکارہ نگار چوہدری کی عبوری ضمانت میں توسیع
خلیل الرحمان قمر کے ہنی ٹریپ اور اغوا برائے تاوان کیس کا ٹرائل مکمل ہو چکا ہے، اور عدالت حتمی دلائل کے بعد کیس کا فیصلہ سنائے گی۔