(احتشام کیانی)اسلام آباد ہائیکورٹ نے بشریٰ بی بی کی اڈیالہ جیل میں بہتر سہولیات کی درخواست کل سماعت کے لیے مقرر کر دی ہے۔
اسلام آباد ہائیکورٹ کے جسٹس انعام امین منہاس کیس کی سماعت کریں گے، بشریٰ بی بی بطور خاتونِ اول وزیراعظم ہاؤس میں مقیم رہی ہیں۔
درخواست میں موقف اپنایا گیا کہ بشریٰ بی بی اپنی بہتر معیار زندگی کی وجہ سے قانون کے مطابق بہتر سہولیات کی حقدار ہیں، بشریٰ بی بی نے بہتر سہولیات کے لیے جیل حکام کو درخواست کی۔
درخواست میں موقف اپنایا گیا کہ سپرٹینڈنٹ اڈیالہ جیل نے بشریٰ بی بی کی درخواست کان نہیں دھرے، بشریٰ بی بی کے شوہر بانی پی ٹی آئی کو اسی جیل میں بہتر سہولیات کا حقدار قرار دیا گیا ہے۔
درخواست میں استدعا کی گئی کہ فریقین کو اپنی قانونی ذمہ داریاں پوری کرنے کی ہدایت کی جائیں، جیل رولز 1978 کے تحت بشریٰ بی بی کو بہتر سہولیات کی فراہمی کا حکم دیا جائے۔
درخواست میں وفاق، سپرٹنیڈنٹ اڈیالہ جیل اور چیف کمشنر اسلام آباد کو فریق بنایا گیا ہے، بشریٰ بی بی اڈیالہ جیل میں 190 ملین پاؤنڈ کیس میں سات سال قید کی سزا کاٹ رہی ہیں۔
یہ بھی پڑھیں :گردن جھک جانا شکست ہے،فلسطینیوں کے سر کٹ گئےلیکن جھکے نہیں،مولانا فضل الرحمان