(سعید احمد سعید)پاکستان ریلوے کے ذیلی ادارے شعبہ پراکس سے 80 ملازمین کو نوکریوں سے فارغ کر دیا گیا۔
فارغ ہونے والے ملازمین میں ڈپٹی ڈائریکٹر کمرشل، سپروائزر بکنگ آفس،بکنگ کلرک،نائب قاصد،ڈرائیور،اسسٹنٹ ریزرویشن کلرک،جونیئر کلرک ،کمپیوٹر ٹیکنیکل سمیت دیگر کیٹیگری کے ملازم شامل ہیں ۔
فارغ ہونے والوں ملازمین میں زیادہ تر بکنگ کلرکوں کی تعداد ہے، جس میں خواتین کی بھی بڑی تعداد شامل ہے۔
ذرائع کا کہنا ہے کہ نوکریوں سے فارغ ہونے والے بیشتر ملازمین کئی سالوں سے پراکس میں کام کر رہے تھے ،ملازمین کی بڑی تعداد نوکریوں سے فارغ ہونے سے دیگر ملازمین میں مایوسی پیدا ہو گئی ہے ۔
نوکریوں سے فارغ ہونے والے ملازمین کا تعلق لاہور۔راولپنڈی اور کراچی سے ہے۔ملازمین کاکہنا ہے کہ ہمیں نوٹس دیئے بغیر اچانک نوکریوں سے فارغ کر کے بیروز گار کر دیا گیا ہے ۔
یہ بھی پڑھیں:اپریل میں جون ، جولائی کے نظارے، حکومت کا گرمیوں کی چھٹیوں سے متعلق بڑا فیصلہ